Wednesday, April 16, 2008

假如我是男人

作為一個女人,有什麼事我不會做,除非我是男人?
我想到以下幾樣:

(1)開車會開棍波車。
(2)偷看女人時會更肆無忌憚。她若回望,眼神傳遞一個「你好索」的訊息後才移開雙目,不像現在,好尷尬。
(3)自己買condom,不再尷尬。
(4)有固定伴侶時,不介意其他人對我有意,並與之flirt來flirt去,眉目傳情。
(5)對Facebook的friend request會比較大方。Blog上的照片不會選這張。會多寫比較性感的題材,如這個。或這個
(6)讀中學一定不選齋校。男人從小就需要多些鍛鍊。
(7)讀大學會考慮到外國讀,要不唸碩士時也一定會離港。男人應該有多些離鄉別井的體驗和獨處的時光,媽媽沒有阻止的理由。
(8)不選新聞系。太文縐縐了。法律或許。會計也不錯––自從龔耀輝和方卓如劃上等號後,唸會計的男人突然性感了許多。
(9)愛上一個人時,會坦然讓對方知道,而且,不介意有需要時和別人競爭。
(10)會唱K落吧,飲vodka食雪茄––還教身邊的女人這樣做,例如把吸吮的煙遞給她,或者把唇裏的酒送進她嘴巴。

其實有許多事,不需要成為男人我都會做,剩下的如此寥寥可數。看來做男人沒有許多著數,如果我真是男人,大概會希望自己變成女人。要不,應該會是個和這個細路差不多的男人。事關他寫的「假如我是女人」,都幾似我。
尤其是他說:

“喜歡intelletual的男性。”及
“愛Pride & Prejudice,可惜世上已無Mr. Darcy。”

***

延伸閱讀:如果我是男生101(源頭)或對號入座,如果我是男人101(更多相關連結)

51 comments:

maren said...

唸會計的男人突然性感了許多---
專業人士+沉實個性+穩定收入= 安全感

Anonymous said...

Leona:

咩殊呀,全部人都玩語錄?

Daniel.

南國 said...

你好索...的眼神...有難度

VC said...

(1)out, see Porsche, Farrari。
(2)why women look women 好尷尬, not easier?
(3)will hate condom.
(4)THE固定伴侶不介意?
(5)女性寫比較性感的題材更煞食!
(6)男校比女校可容忍,男人有多20年鍛鍊。
(7)Yes, 媽媽少D阻止的理由。
(8)agree。
(9)really?
(10)...

hystericireul said...

「你好索」的眼神怎麼弄的?

最後九成九會給人認為那等同淫褻的眼神。

癲狗 said...

吓... 4同8...

要又靚又型先做到架喎, 雖然地中海大肚腩冇話唔準做...

仲有1號最無聊, 除咗懶係型d之外冇用架喎, 而且係話明懶型, (我覺得)根本係唔型

9號, 呢個同男人有咩關係XD 你好鐘意stereotyping喎

芸生 said...

「愛上一個人時,會坦然讓對方知道。」

這個不行,要設法讓對方先愛上你。

Leona said...

Maren:
你的意思是,會計師男人向來吃香?

Daniel:
這不是語錄吧

南國/ hystericireul :
不不...只要眼神不猥瑣,外型絲毫不像痴漢,而在被發現後不要死盯不放,我想女人應該不介意「蝕」少少比你

vc:
(1)out, see Porsche, Farrari。
L: 就算不開也要懂得用棍波,因為女人會問:乜你唔識用棍波咩?好煩
(2)why women look women 好尷尬, not easier?
L:女人被男人望,表面上很倨傲,內心倒有幾分高興(我重覆:只要你不猥瑣);被女人望,少了這份自豪
(3)will hate condom.
L:難道叫她去買嗎?
(4)THE固定伴侶不介意?
L:flirt下唔使死
(5)女性寫比較性感的題材更煞食!
L:我知道,所以「醒」了Eliza的博給大家看;至於我自己,則太害羞
(6)男校比女校可容忍,男人有多20年鍛鍊。
L:男校生似乎普遍風度稍遜,不解溫柔,多數需要多點引導
(7)Yes, 媽媽少D阻止的理由。
L:在我的情況,其實是我不想離開媽媽
(8)agree。
L:所以係會計界就應該投龔耀輝一票
(9)really?
L:WHY NOT?
(10)...
L:嘿,你大概沒試過

癲狗:
梗係啦--話明如果「我」(i.e.本人)係男人嘛,我梗係對自己外型有番咁上下自信...

至於9...作為女人,太主動不是那麼好,也不想和別人爭(我知,這個是我本身被socialized的問題,但已根深蒂固)

芸生:
假如我是男人喎...男人應該採取主動的,要不你推我讓的,拖到幾時?

Leona said...

癲狗:
差點漏了這一點...我學車個陣,諗都冇諗就揀左自動波,因為我對自己操作任何機械的信心係零,但如果我係男人,我諗應該克服到

仲有,如果男女朋友去旅行,租到架車淨係得棍波,咁點算先?九成九女人實唔識

講開又講,查實男人用棍波又唔係特別型既...因為男人專注開車時已經好型!
=)

Galileo said...

都好陽具崇拜。

Leona said...

Galileo:
一點也不
一講到外型疑似的就說是陽具祟拜,似乎太簡單了
不同意

唉,阿哥,講到了解女人,似乎細佬比你稍為高明一些...

VC said...

(1)out, see Porsche, Farrari。
L: 就算不開也要懂得用棍波,因為女人會問:乜你唔識用棍波咩?好煩
V: 我會答: 識棍波,但駕駛舒適,安心談心不更好?
(2)why women look women 好尷尬, not easier?
L:女人被男人望,表面上很倨傲,內心倒有幾分高興(我重覆:只要你不猥瑣);被女人望,少了這份自豪
V:我倒覺得同性欣賞更應自豪。
(3)will hate condom.
L:難道叫她去買嗎?
V: No, hate & buy.
(4)THE固定伴侶不介意?
L:flirt下唔使死
V: depends on THE...
(5)女性寫比較性感的題材更煞食!
L:我知道,所以「醒」了Eliza的博給大家看;至於我自己,則太害羞
V: 不用害羞,慢慢來...
(6)男校比女校可容忍,男人有多20年鍛鍊。
L:男校生似乎普遍風度稍遜,不解溫柔,多數需要多點引導
V: 來日方長,practice makes perfect;不似女子易青春飛逝。
(7)Yes, 媽媽少D阻止的理由。
L:在我的情況,其實是我不想離開媽媽
V: 我當年是不想家庭負擔重。
(8)agree。
L:所以係會計界就應該投龔耀輝一票
V:唉...女人。
(9)really?
L:WHY NOT?
V:怕瘀and/or萬七個excuses.
(10)...
L:嘿,你大概沒試過
V: Ha Ha, Ha. 好男人不煙不酒不夜泡!

VC said...

P.S. "芸生: 假如我是男人喎...男人應該採取主動的,要不你推我讓的,拖到幾時?"

拖到主動的第三者(男/女)出現。

暗黑的卡夫卡 said...

VC:
(1)out, see Porsche, Farrari。

Those folks offer "F1-Auto" now for ultimate & fastest shifting...

So maybe you can say:
"I am in pursuit of ultimate speed. I need to shift faster, and do you know Formula 1 uses auto only now...blah blah blah"

maren:
唸會計的男人突然性感了許多---
專業人士+沉實個性+穩定收入= 安全感???

唉...女人。 x 2!

When 會計男 go crazy...it will be worse than most "normal" men...I know, 'cause I was one of them...

Accounting is a profesion that destroys your soul, and its one of the most boring and unimaginative "profession" a man can ever had...and hence the
"專業人士+沉實個性+穩定收入= 安全感" perception I guess?

lasallejai said...

Leona:

(1) When it comes to driving a stick shift car there should not be any gender discrimination at all, because I do know a bunch of gals who drive standard transy cars. Maybe this is due to the fact that I am in North America and youngsters still grow up wanting to be able to drive a stick shift car at any cost(since most believe it is a cool thing to do), and it is extremely common for majority of the population to learn when they first get their learner's license, even though most may eventually opt for an automatic transy car when they have a family---I for one, as an example, because my wife cannot drive stick shift. However, I still keep a standard transy car for commuting to work for myself, but on weekends we all jump into our automatic transy car.

(3) I am married, but I still feel embarressed buying condoms from drug stores or supermarket, and please do not ask me why.

(6) I did not have a problem with attending boy's schools all my life for 13 years until university, and if I had to choose again I would do it in an eye blink!

(7) I believe nowadays the difference is very minute any way.

(9) Is there really a difference for being a female???

Galileo said...

Leona:
很正常,難道朋友會毫無理由當你係Gay?

maren said...

leona, 暗黑卡夫卡-

人大了, 變得實際得多. 不是為錢, 真心的. 只是追求穩定.

年少的時候當然會覺得會計師大多很沉悶, 但現在經歷了些許風浪, 就覺得沉實穩定的男人最好.

(當然沒有人能保證外表沉實的人內心究竟是甚麼, 像朱培慶就是最好例子)

Perennial_Loser said...

咦,乜假如我是男/女人玩到過嚟呢邊呀?

1. 女仔都會開棍波;六七年前我親眼見過個OL開住架普通棍波四門 Corolla 響南昌街直衝落嚟,急轉窩仔街,犀利到吖...

2. 唔係噃...一句「死淫蟲,望咩呀望」,已經全日唔使見人...

3. 一樣0架咋...

4. 不予置評...

5. (a) 會;(b) 唔一定0架...起碼我已經又唔性感又唔感性啦~

6. 非也...我母校又好,對家嘅又好,一般都唔見有咩「異性相處力缺乏症」啫。

7. 男男女女都係咁出國0架喇...有才有財就得~

8. 「大丈夫當手握三球C」...做邊行都係為呢日啫,最快見到呢日就得啦。哈哈!

9. 吓...未必噃。起碼我都唔會咁做...嘿。

10. 以前教夜校啲學生,男男女女都係咁蒲喇,唔係男人都做得0架~

Florence said...

今時今日做男人, 似乎真係無甚優勢(與女人比較而言), 仲要唔好俾自己脫髮啤酒肚,跟女人對付拜拜肉橙皮紋一樣壯烈......

癲狗 said...

咁有自信XD (hmm,搞到我有d想見吓你個真身添哈哈)stereotype冇咩所謂嘅,而且咁對同stereotype唔一樣嘅人其實有advantage (啫係我!學你咁讚吓自己先hehe)

而家租棍波車一定難過租auto啦,因為現在已經係auto dominate咗嘅世界啦哈哈哈。又喎死啦咁我咪好唔型,我會一邊揸車一邊飲咖啡玩(朋友部)ipod架喎oO?

To卡夫卡:
我直頭覺得所有車都應該好似F1咁將支棍整係steering wheel後面,唔再需要有支棍係旁邊,我有多啲位可以同時放杯咖啡同炒麵!

Kris said...

假如我係女人都會做你講的十項,「蒲妹」二字已足夠解釋一切。做女人介懷咁多為乜。

咪做男人啦,都係女人好。Stereotype男人做既野宜家女人一樣做到,其實都無乜分別,剩返既可能係女人時裝多d款揀,尤其係內衣。

又可能係,做女人就可以扮大姐姐捉住個細路/佬玩黎玩去。

Leona said...

嘿,看來這個題目開得不錯!

***

vc:
好好笑。
喂我不再逐一覆你了,要不這樣下去,沒完沒了。

暗黑的卡夫卡:
maren的要求很有代表性,所以你儘管內心很瘋狂,也不要忘了在一般女人心中,你最不喜歡的職業可能是一項advantage──激情與面包俱全,殺死人,還想怎樣了。

Lasallejai:
(1)對女人來說,凡牽涉到手眼協調的,我想還是the simpler the better。
(3)糟糕。怎麼辦?如果你尷尬,女人會比你更尷尬
(6)那是因為你唸的是喇沙。我有不少同學去過你們的ball。
(7)我想分別還是有的。
(9)是啊。我覺得這可能是我的問題也說不定。

Galileo:
勿生氣,不是gay的不會無端變gay的。
你和弟弟二人互相學習就好了。

Maren:
你舉的朱培慶例子簡直無得頂!
(Men are just men!)

Perennial_loser:
咦,乜假如我是男/女人玩到過嚟呢邊呀?
L:要不怎麼把你吸引過來?

1. 女仔都會開棍波;六七年前我親眼見過個OL開住架普通棍波四門 Corolla 響南昌街直衝落嚟,急轉窩仔街,犀利到吖...
L:佢可能打開機…

2. 唔係噃...一句「死淫蟲,望咩呀望」,已經全日唔使見人...
L:哦,好不幸!
望吓無所謂,咪目不轉睛就可以了。我通常裝作若無其事,唔使鬧人喎。

3. 一樣0架咋...
L:…係咪香港人太保守?

4. 不予置評...
L:哈哈哈

5. (a) 會;(b) 唔一定0架...起碼我已經又唔性感又唔感性啦~
L:這些倒也因人而異。

6. 非也...我母校又好,對家嘅又好,一般都唔見有咩「異性相處力缺乏症」啫。
L:你同樓上位仁兄來自同一母校,點會有適應困難至得架。

7. 男男女女都係咁出國0架喇...有才有財就得~
L:我太「痴」家。

8. 「大丈夫當手握三球C」...做邊行都係為呢日啫,最快見到呢日就得啦。哈哈!
L:其實我覺得世上已無「穩定」的職業。

9. 吓...未必噃。起碼我都唔會咁做...嘿。
L:男人要主動D架…

10. 以前教夜校啲學生,男男女女都係咁蒲喇,唔係男人都做得0架~
L:我唔得。最愛蒲的年紀沒有得到適當引導,今勉為其難,只感格格不入。

florence:
還是你最明白我。女人(識諗個D)其實比男人快樂得多。

癲狗:
咦,搞到我都想見吓你添細路。
=)

又,我相信對卡夫卡來說,空出來的位置大概不會放咖啡或炒面。女友的大腿或許。嘿嘿。

Leona said...

Kris:
你講得冇錯。
對我黎講做女人的advantage一定大過男人,只係除左呢十項──喂我唔係蒲妹喎。

講到捉住細路/佬玩黎玩去…
阿細路呀,我估唔同你玩個陣,你會好掛住姐姐囉。

又好似有時我同隻貓玩到身水身汗時,我會忽然諗:頂,究竟邊個係邊個既寵物呀而家?
佢好似玩緊我多D。

Kris said...

喇沙既有出產異性戀的,亦有gay的,更有乸的,鍾意同女校妹做姊妹 -________________________________-
一個喇沙朋友升上HKU medic,佢係乸果d,對住咁多女,除左姊妹情佢唔識處理喎。救命。

卡夫卡還要是一邊扭波棍一邊伸手向大腿呢!超強啊!

係係係。我超掛住大姐姐。難得有人咁大個人,都會比一d細路都唔會信既不知名信件玩到,呢d人今時今日仲係邊度搵到啊!?
貓嘛,鬼叫你果隻係港女,要收d觀音兵嘛。男的會掛住係被堆訓覺/聽音樂跳舞唔得閒理人。遲下佢又有新打交對象,仲加唔會理我。

EL said...

2. 會俾人鬧架喎,除非你好靚仔
4. 係女人唔做得架咩?
7. 贊成
9. 贊成,因為女仔要矜持
10.女人都得架嘛?我成日都咁做....

我都有寫,歡迎參觀.

Leona said...

Kris,
你個細路,作死啊,整古完我仲要攞番出黎講笑多次…
(同細路玩,少D腦細胞都唔得。超慘!)

EL:
喂咁耐冇見,去左邊到玩?

參觀咗。我諗,你如果係男人,都應該係一個好男人,之不過,到時你有冇咁明白女人呢。

關於4,唔知點解,我同前男友一齊既時候,真係一D機會冇比到其他人。

關於10,「成日都咁做」…佩服佩服,不如搵日帶姐姐出去見識吓。

wendy said...

其實做女人的確比做男人好得多, 可能唯一的缺點就是一個月一次的周期性不適罷了。

唉, 呢d野冇得自己選擇既。

EL said...

好鬼忙呀呢輪,加上我屋企個大帝岩岩行左成人禮,閹左之後仲痴人,晚晚放工番屋企都要陪佢成個鐘,攰得滯電腦都費時開.

都唔好得晒架,我岩岩又更新,加左好多條件落去...

不如你地(怒火媽及其他blog友)約出黎果陣叫埋我仲好啦

暗黑的卡夫卡 said...

你們雖然說得很黃很香艷﹐但無可否認﹐技術上是可行的。

用一邊膝頭控制駕駛盤﹐另一條腿踏油門﹐反手(左手)轉波﹐空出右手然後...hm...aah...ooooh...都係不予置評啦。

我係"會計"精英﹐好成熟穩重o架!點會... =P

martinoei said...

作為男人的發言:

男人都不介意同人競爭心愛的人,但要坦然開聲並不容易,因為男人不確定對方是否愛上自己,十五十六。

Leona said...

wendy:
托賴,我連這點不適也不大明顯。
=)
更令我覺得,做女人真好。

EL:
噢,那要多陪陪小貓了。

暗黑的卡夫卡:
親愛的,我一定不會上你的車。

倒不是因為那隻空出來的右手,而是那個「控制駕駛盤」的膝頭。
你真是好危險!

Martin:
你那個不用十五十六啦。去馬吧。

readandeat said...

去咗馬咪知係八係九囉。咪咁"疴kok"啦。

Leona said...

嗱嗱嗱,readandeat這些就真是經驗之談啦。

林芸生 said...

主動唔代表要明刀明槍,似玩話事啤,可以好進取咁下注,但絕不能讓對方看到你的底牌。明刀明槍的方法只適用於二世祖,如李家少爺,一嚟就揸鋪同花順,開牌玩都照羸。

巴黎旅客 said...

想起一首法文歌"假如我是男人"- Si j'étais un Homme。「假如我是男人,我將會很浪漫。」

癲狗 said...

woah~ 卡夫卡識得傳說中嘅「膝頭控駄」,幾時可以教我呀,呢吓真係超想學。我自從學識我媽嘅「太極手back-in」之後就冇咩更勁嘅懶惰絕招啦。

Kris said...

唔係因為睇唔透女方係咪喜歡自己,會十五十六既應該係唔知自己想點對佢。明知對方有少少意思,又唔知上唔上好果下,先係最X街。呢D就等死啦。

又,如果雙方都係情迷意亂又唔肯認,結果就係互相傷害。唉。

如果情況只係咁簡單,就係你想上,人地唔知受唔受你,真係上左先算啦。

Leona said...

芸生:
對,愛情如賭博,又似打橋牌,鬥智鬥力鬥默契。
如一心當遊戲倒好,認真只會好傷。
你估個個都像李家二少般,要乜有乜?

巴黎旅客:
我諗如果我真的是男人,大概會是一個法國男人…
=)

癲狗:
佢同你間母校(UofT)打對台,有緣既話你叫佢過兩招比你啦吓。

唉,男人。

kris:
阿細路呀,你估呢到除左姐姐之外,仲有冇人明你講咩呢細路?

睇黎你仲未去到芸生哥哥講個種境界喎陰公。

martinoei said...

Leona和Readandeat:

還是妳們說得對,男人應當有勇氣表達,不要當楊威利。

Exclusive for Leona:

我發現妳同Kris的對白好鬼過癮,唔似大姐姐,我依家發現似小女孩。(亞音速溜掉)

Anonymous said...

Leona,

水瓶妹妹所言甚是,家家有本難唸的經:)

Daniel.

路人癸 said...

自動波的話,膝頭控軚不難,我都可以,而且左手還可以空出來與右手一起玩。棍波的話,左膝控軚之餘,左腳還要踩離合器,難度超高。或者可以在一瞬間放開油門,轉用右膝控軚,左腳踏clutch,左手轉波,左腳放clutch,左膝控軚,右腳踩油... 做得到的話真係神乎其技。

lasallejai said...

"自動波的話,膝頭控軚不難,我都可以,而且左手還可以空出來與右手一起玩。棍波的話,左膝控軚之餘,左腳還要踩離合器,難度超高。或者可以在一瞬間放開油門,轉用右膝控軚,左腳踏clutch,左手轉波,左腳放clutch,左膝控軚,右腳踩油... 做得到的話真係神乎其技"

Not sure if you were talking about me, because when i broke my right arm in 2003 my whole right arm was in a solid fibreglass full cast all the way up to my right shoulder for seven weeks. Since both of my cars had standard transmission at that time I had no choice but to shift gears with my left arm, and steer with my left or right knee until I was up to fifth gear cruising. It was quite scary at first, but after a while I was quite used to it, and quite good at it too. No one believed me when I told them I actually kept driving in those seven weeks, but I did and it was quite educational. I have to admit, though, shifting into fifth with my left arm was not an easy task. : )

Leona said...

講到車,你睇D男人(路人癸/喇沙仔)幾興奮。
=.=
我連搭訕都不懂。
坐你們車的女人真放心啊。

癲狗 said...

嘩, 開車開到跳舞咁 ^^"
不過要做的話我覺得香港右軚易做到d

otherwise要左手反手轉波喎,
我隻左手冇咁靈活="=a

喂leona~ 你又stereotype喎
其實呢個世界有好多揸車好勁嘅女人架!!

Leona said...

癲狗,係係係...
等我開過第個話題,免得答又錯唔答又錯

一切重新開始 said...

其實....係呢個世界上....男人能夠做到既事,,女人好多亦能做到....相反女人控制得好好既事,,男人就未必處理得到....

暗黑的卡夫卡 said...

lasallejai:
Read the thread and you will know whom they are talking about...oh wait you from 喇沙...never mind =P

Anyway, to me「膝頭控駄」is just a situation of decision on losing control... either have my right hand grabbing the stick or grab something else. The choice is easy to me. lol

Leona:
"其實呢個世界有好多揸車好勁嘅女人架!!"

Danica Patrick - FIRST woman to win a major closed course race against multiple competitors.

南杏 said...

咁耐都無新post,有人偷懶!;P
說笑而已,想必很忙,仍期待你的新文。加油。

Leona said...

南杏:
是啊。
這個禮拜沒有特寫版的同事來打救我…
這兩天會見一兩個人,也許回來有故事聽。
希望不令你失望。
=)

VC said...

亦舒fans們看看今天經濟日報C15龔耀輝一文.

Leona said...

龔生的專欄好看
我天天追