Thursday, March 03, 2011

香港人還有什麼優勢?

原來是「無招勝有招」。明白哂,多謝左丁山!

***

以下摘錄自2011年3月3日蘋果日報左丁山專欄:

"一位金融界高層對左丁山講:「本地生之最大優點係比較老實,依規矩辦事,唔會太多鑽空子,亂咁嚟,所以做做吓,做得唔太曳嘅話,容易得到上司信任,有一次我到上海,一位大客請我食飯飲酒之後,吐出一句真言:『你地香港人唔夠奸,好戇直,我地最唔奸嗰個都扭計扭贏你地最奸嗰個,你地根本唔識乜嘢叫做權術。』我聽完就驚咗一驚,返酒店房諗咗好耐,返到香港就召集一班香港仔、女講清楚,我地嘅競爭優勢可能就係戇直,唔夠奸,依本子辦事,尊重法規,你地上到內地做deal,千萬不可試圖與內地人鬥扭計、鬥權術,一定要無招勝有招,否則會俾內地人扭到剝光豬。」

不懂中國歷史、不熟讀三國演義、水滸傳,點學人講權術ABC呀,不過學識都係用來傍身嘅啫,叫做防禦性,點同經歷過文革、六四與自小學開始就識「賄選做班長」嘅人士鬥計仔啫。

反之,內地人嚟到香港做生意,覺得更容易,適應到極。一位內地建築商曾對左丁山騎騎笑:「香港啲官真係好,唔會麻煩我地,唔要我地應酬,有爭執,我地可以告政府,而且贏嘅機會唔細,內地再過一百年,都未必學到呢樣,呢樣嘢千祈唔好一國化!」此乃香港之真正優勢,為中國大陸與台灣所無,新加坡亦學唔到。 "

***

相關舊文:
香港人的危機感(與相對優勢)
"內地人可能覺得港人太沒人情味,但人無信不立,香港這塊「專業」、「高質」的金漆招牌,可是歷經數十年、幾代香港人辛辛苦苦累積下來的寶貴資產啊。這就是為什麼內地企業要來香港上市、食品檢測要在香港做、學位要在香港唸…的原因。"

轉載港燦留言
"父母及長輩既壓力,僵化既課程及教學方法,繁重既功課與課外增值班,以及網上由 "四代香港人" 引發的各種,好易令年青人未踏足社會,腦裡已充滿無奈及無力感既討論,使自己細細個就喪失對身邊事物既好奇心及求知欲,找不到目標,失去自信,繼而自閉,再成毒男腐女,甚至開始靠濫藥或吸毒逃避現實。

時刻提醒自己,切勿除0靚模的身體外,對天下萬物失去興趣。"

3 comments:

losing loser said...

不懂中國歷史、不熟讀三國演義、水滸傳,點學人講權術ABC呀,不過學識都係用來傍身嘅啫,叫做防禦性,點同經歷過文革、六四與自小學開始就識「賄選做班長」嘅人士鬥計仔啫。

佢應該係講緊練乙錚大神(在我心目中他是神級)推介過 o既紀錄片請投我一票.

VC said...

glad to hear this. hope it's true.

方潤 said...

那麼這種優勢肯定跟左丁山本人無關了 XD